ជាមួយ
ចក្ខុវិស័យដ៏វែងឆ្ងាយ
ក្នុងការជំរុញឲ្យសិស្សនិស្សិតក្រីក្រនៅជនបទដាច់ស្រយាលដែល
ចូលចិត្តនិងចាប់អារម្មណ៍មុខជំនាញព័ត៌មានវិទ្យា អង្គការ
Passerelles Numériques Cambodia (PN) ដែលប្ដូរឈ្មោះពី
CIST
គឺជាស្ថាប័នបណ្តុះបណ្តាលដ៏សំខាន់មួយនៅប្រទេសកម្ពុជា
ដែលទទួលបណ្តុះបណ្តាលមុខជំនាញព័ត៌មានវិទ្យា
ដល់និស្សិតក្រីក្រកម្ពុជារាប់រយនាក់ក្នុងមួយឆ្នាំៗ
តាមរយៈការផ្តល់អាហារូបករណ៍សិក្សាដោយឥតគិតថ្លៃ។
កញ្ញា Nimol Sahak បុគ្គលិកទំនាក់ទំនងការសិក្សារបស់អង្គការ
PN
បានឲ្យដឹងថា ក្នុងមួយឆ្នាំៗ PN
តែងតែផ្តល់អាហារូបករណ៍ដល់និស្សិតក្រីក្រកម្ពុជារាប់រយនាក់
មកតាមបណ្តាខេត្តនានាឲ្យទទួលការអប់រំជំនាញព័ត៌មានវិទ្យាដោយឥត
បង់ថ្លៃពីអង្គការ។
ការបណ្ដុះបណ្ដាលនេះមិនតម្រូវឲ្យមានការបង់ថ្លៃនោះទេ
គឺរាល់ការចំណាយទាំងអស់ជាបន្ទុក
និងការទទួលខុសត្រូវរបស់អង្គការផ្ទាល់
ក្នុងនោះរួមមានការស្នាក់នៅ ការហូបចុក
និងសម្ភារៈឧបទេសសិក្សាដទៃទៀត។
យ៉ាងណា កញ្ញាថា
មុនដែលសិស្សក្រីក្រទាំងនោះអាចទទួលបានសិក្សាទាំងនេះ
គឺត្រូវឆ្លងកាត់ការធ្វើតេស្ត និងសម្ភាសន៍ប្រកបដោយតម្លាភាព
និងម៉ត់ចត់បំផុតដើម្បីស្វែងរកនិស្សិតដែលក្រីក្រ
និងខ្វះលទ្ធភាពពិតប្រាកដ។
“គោលការណ៍អង្គការគឺព្យាយាមធ្វើយ៉ាង
ណា ឲ្យនិស្សិតចេញពីត្រកូលអ្នកក្រខ្សត់ទាំងនេះ
មានជំនាញច្បាស់លាស់ ចេះធ្វើការប្រកបដោយគុណភាព។ ហេតុដូច្នេះហើយ
បានជាកៅអីអាហារូបករណ៍ដល់និស្សិតទាំងនោះ ត្រូវឆ្លងកាត់ការ
ប្រឡង សមត្ថភាពពួកគេជាច្រើនដំណាក់កាល ជាពិសេសគឺស្ថានភាពជាក់ស្ដែងដែលពួកគេកំពុងរស់នៅ”។
បន្ថែមពីនេះ
និស្សិតជានារីត្រូវបានលើកទឹកចិត្តតាមរយៈការកំណត់ឲ្យមាន
ចំនួន ២ ភាគ ៣ នៃចំនួនសរុបវគ្គសិក្សាក្នុងឆ្នាំនីមួយៗ។
ក្រៅពីសិក្សាលើមុខជំនាញដែលមានស្រាប់
អង្គការក៏មានវគ្គបណ្ដុះបណ្ដាលភាសាអង់គ្លេស
និងវគ្គខ្លីៗមួយចំនួនទៀតពាក់ព័ន្ធនឹងអាកប្បកិរិយានៅកន្លែងធ្វើ
ការ ក៏ដូចជានៅក្នុងសង្គមផងដែរ
ដើម្បីឲ្យពួកគេទទួលបាននូវអ្វីដែលជាតម្រូវការទីផ្សារការងារ
បច្ចុប្បន្ន។
លទ្ធផល
ជាក់ស្ដែងរបស់ PN
បានទទួលការចាប់អារម្មណ៍យ៉ាងខ្លាំងពីអង្គការក្រៅរដ្ឋាភិបាល
លើគោលដៅបណ្តុះបណ្តាលដែលអង្គការមួយនេះ
បានកំណត់និងផ្តោតលើនិស្សិតក្រីក្រ។ ជាក់ស្ដែង
កាលពីពេលថ្មីៗនេះ លោក Martin Hirsch
ប្រធានភ្នាក់ងារសេវាកម្មរបស់ប្រជាពលរដ្ឋបារាំងបានធ្វើដំណើរពី
ប្រទេសបារាំងមកធ្វើទស្សនកិច្ចក្នុងអង្គការនេះ
ថែមទាំងបានបានជជែកសំណេះសំណាលជាមួយនិស្សិត
និងគ្រូបណ្ដុះបណ្ដាលជំនាញទាំងនោះថែមទៀតផង។
លោក Martin Hirsch និយាយថា
លោកពិតជាកោតសរសើរចំពោះការងាររបស់អង្គការមួយនេះ
ដែលបានរួមចំណែក
ជួយនិស្សិតក្រីក្រកម្ពុជាតាមរយៈការផ្តល់ការបណ្តុះបណ្តាលមុខ
ជំនាញប្រកបដោយគុណភាព
ដើម្បីអាចឲ្យពួកគេមានឃ្លាតឆ្ងាយពីភាពក្រីក្រ និង
កសាងជីវភាព និងអនាគតកាន់តែប្រសើរទៅថ្ងៃអនាគត។
Passerelles Numeriques Cambodia
ជាអង្គការក្រៅរដ្ឋាភិបាលមួយដែលផ្ដោតលើការបណ្ដុះបណ្ដាលការសិក្សា
លើមុខជំនាញព័ត៌មានវិទ្យាចំនួនពីរគឺ ជំនាញគ្រប់គ្រងបណ្ដាញ
Systems and Network Administrator (SNA)
និងជំនាញសរសេរកម្មវិធីលើគេហទំព័រ Web Programmer។
ស្ថិតក្នុងគោលដៅកាត់បន្ថយភាពក្រីក្រ និងបង្កើតឱកាសការងារដល់
យុវវ័យកម្ពុជា
តាមរយៈសកម្មភាពអប់រំ អង្គការ PN ចាប់តាំងពីបង្កើតដំបូងនៅឆ្នាំ
២០០៥
រហូតមកទល់បច្ចុប្បន្នអង្គការបានបណ្ដុះបណ្ដាលសិស្សនិស្សិតបានចំនួន
៤៥៨ នាក់ ហើយសិស្សនិស្សិតមួយចំនួនធំក៏កំពុងតែធ្វើកម្មសិក្សា
និងបម្រើការងារនៅតាមបណ្ដាក្រុមហ៊ុនជាដៃគូជាង ១៧០
ក្រុមហ៊ុនផងដែរ៕
បើទោះបីមានគ្រឹះស្ថានបណ្ដុះបណ្ដាល
វិស័យបច្ចេកវិទ្យារដ្ឋ
និងឯកជនកំពុងមានវត្តមានយ៉ាងច្រើនសន្ធឹកនៅកម្ពុជាក៏ដោយ
ក៏គ្រឹះស្ថានទាំងនោះនៅជាតែជាស្ថាប័នស្វែងរកប្រាក់ចំណេញ
ពោលគឺសម្រាប់និស្សិតក្រីក្រនៅតាមតំបន់ដាច់ស្រយាល
ពុំមានលទ្ធភាពបង់ថ្លៃសិក្សាទេ
បើទោះបីជាតម្លៃសិក្សានោះថោកយ៉ាងណាក៏ដោយ។
ដោយសារតែសម្លឹងឃើញយ៉ាងនេះហើយ ទើប CIST
ត្រូវបានបង្កើតឡើងដើម្បីជួយដល់សិស្សក្រីក្រនៅតាមតំបន់ជនបទ
ដាច់ស្រយាលទាំងនោះ
ដោយផ្ដល់ឱកាសឲ្យពួកគេអាចរៀនជំនាញព័ត៌មានវិទ្យា (IT) បាន។ តើ
CIST ជួយដល់និស្សិតក្រីក្រយ៉ាងម៉េចខ្លះទៅ?
បង្កើតឡើងដោយអ្នកណា? មានប្រវត្តិដូចម្ដេច?
មានជំនាញអ្វីខ្លះទៅ? ចុះគុណភាពវិញយ៉ាងម៉េចដែរ?
ជ្រើសរើសសិស្សក្រីក្រមែនឬអត់?
ដើម្បីឲ្យកាន់តែច្បាស់នូវប្រវត្តិ ចក្ខុវិស័យ បេសកកម្ម
និងគោលបំណងរបស់គ្រឹះស្ថានបណ្ដុះបណ្ដាញជំនាញបច្ចេកវិទ្យាមិនស្វែង
រកប្រាក់ចំណេញមួយនេះឲ្យកាន់តែច្បាស់នោះ
សូមតាមដានស្វែងយល់ជាមួយ Sabay
នៅក្នុងទំព័រនេះដូចខាងក្រោម។
ទីតាំង
បច្ចុប្បន្ន CIST មានទីតាំងនិងអាគារផ្ទាល់ខ្លួន
ដែលមានទំហំធំល្មម ស្ថិតនៅភូមិត្រពាំងឈូក សង្កាត់ទឹកថ្លា
(បូរីសឡា) ខណ្ឌសែនសុខ ក្រុងភ្នំពេញ។
ប្រវត្តិ
CIST ត្រូវបានបង្កើតឡើងជាផ្លូវការនៅឆ្នាំ២០០៥
ជ្រកក្រោមស្ថាប័នធំមួយទៀតឈ្មោះថា Passerelles Numeriques។ CIST
មានឈ្មោះពេញថា “មជ្ឈមណ្ឌលបណ្ដុះបណ្ដាលប្រព័ន្ធព័ត៌មាន”
មានឈ្មោះជាភាសាអង់គ្លេស (Centre for Information Systems
Training)។
មជ្ឈមណ្ឌលនេះត្រូវបានបង្កើតឡើង
ដោយមុនដំបូងវាគ្រាន់តែជាគម្រោងមួយដែលផ្ដាច់ចេញពីអង្គការ
កុមារមេគង្គ (Enfants du Mekong)ប៉ុណ្ណោះ។
កុមារមេគង្គគឺជាអង្គការមួយជួយឧបត្ថម្ភដល់សិស្សក្រីក្រនៅតាម
តំបន់ដាច់ស្រយាលឲ្យមានលទ្ធភាពបន្តការសិក្សានៅមហាវិទ្យាល័យ។
នៅពេលនោះ CIST ជាអ្នកទទួលសិស្សពីអង្គការកុមារមេគង្គ
តែក្រោយមក CIST
ក៏បានពង្រីកទំហំប្រតិបត្តិការរបស់ខ្លួនដោយបានផ្ដាច់ចេញពី
អង្គការនេះ
និងបានចុះទៅជ្រើសរើសសិស្សនៅតាមតំបន់ដាច់ស្រយាលនៃបណ្ដាខេត្ត
មួយចំនួនឲ្យមករៀនលើមុខជំនាញព័ត៌មានវិទ្យាផ្ទាល់តែម្ដង
ចាប់ពីឆ្នាំ២០០៥មក។
ចាប់ផ្ដើមដំណើរការដំបូង មិនទាន់មានទីតាំង
និងអាគារធំនៅឡើយទេ
ក្រោយមកដោយសារតែមានអ្នកជួយឧបត្ថម្ភផ្ដល់ជំនួយជាបន្តបន្ទាប់
ជាពិសេសគឺ Passerelles Numeriques ធ្វើឲ្យមជ្ឈមណ្ឌលមួយនេះ
ពង្រីកទីតាំងអគារសិក្សា និងការិយាល័យកាន់តែធំ
ហើយថែមទាំងមានទីតាំងផ្ទាល់ខ្លួនថែមទៀតផង។
Passerelles Numeriques ដែលជាឪពុកម្ដាយរបស់ CIST
បច្ចុប្បន្ននេះមានបីសាខាធំៗគឺនៅហ្វីលីពីន (2009) វៀតណាម(2010)
និងកម្ពុជា។ ក្នុងចំណោមសាខាទាំងបី គឺមានឈ្មោះ
និងប្រតិបត្តិការទៅតាមផែនការរៀងៗខ្លួន ចំណែក CIST កម្ពុជា
ដែលបង្កើតឡើងមុនគេមានហិរញ្ញវត្ថុរឹងមាំជាងគេ
ហើយថែមទាំងមានបរិក្ខារគ្រប់គ្រាន់សម្រាប់ផ្ដល់ឲ្យសិស្ស
និងនិស្សិតសិក្សាថែមទៀតផង។
រចនាសម្ព័ន្ធគ្រប់គ្រង
CIST គ្រប់គ្រងដោយសញ្ជាតិបារាំងម្នាក់ដែលមានឈ្មោះថា Drouillard
Vincent ជានាយក Le Martret Fabrice
ជាមន្ត្រីខាងទំនាក់ទំនងក្រៅស្ថាប័ន Maryline Chabinis
ជាមន្ត្រីទទួលបន្ទុកខាងបណ្ដុះបណ្ដាល ជីវ
ពិដោទទួលបន្ទុកខាងរដ្ឋបាល និងហិរញ្ញវត្ថុ និងលាង
សាម៉ាឌីជាមន្ត្រីទទួលបន្ទុកខាងបច្ចេកវិទ្យាព័ត៌មាន (IT)។
បេសកកម្មចម្បង
CIST គឺជាគ្រឹះស្ថានមិនស្វែងរកប្រាក់ចំណេញដំបូងបំផុត
ដែលផ្ដល់អត្ថប្រយោជន៍ចំនួនបីសំខាន់ៗដល់និស្សិត។
ទីមួយជួយដល់និស្សិតក្រីក្រនៅតាមតំបន់ជនបទដាច់ស្រយាលដែល
ពុំមានលទ្ធភាពបន្តការសិក្សានៅមហាវិទ្យាល័យបាន។
ទីពីរគឺជាស្ថាប័នក្រៅរដ្ឋាភិបាលដំបូងដែលបណ្ដុះបណ្ដាលលើមុខ
ជំនាញបច្ចេកវិទ្យា IT។
ការបណ្ដុះបណ្ដាលនេះមិនមែនមានគោលបំណងត្រឹមតែបណ្ដុះបណ្ដាលឲ្យ
ចេះប្រើប្រាស់ធម្មតានោះទេ
តែគឺដើម្បីឆ្លើយតបសេចក្ដីត្រូវការរបស់ទីផ្សារការងារ។
ចំណែកទិសដៅចុងក្រោយនោះគឺបង្កើតការងារដល់និស្សិតដែលបញ្ចប់
ការសិក្សាពីសាលានេះ
ហើយអ្វីដែលសំខាន់បំផុតនៃបេសកកម្មចុងក្រោយនេះគឺជាផ្នែកមួយនៃ
ការចូលរួមកាត់បន្ថយភាពក្រីក្រដល់ប្រជាជនកម្ពុជាផងដែរ។
ពាក្យស្លោកតំណាង CIST
CIST មានពាក្យស្លោកបីជាតម្លៃមូលដ្ឋានដែលគ្រឹះស្ថានបណ្ដុះបណ្ដាលបច្ចេកវិទ្យាមួយនេះផ្ដល់ឲ្យគឺ៖
- Responsibility៖
និស្សិតគ្រប់រូបដែលសិក្សានៅ CITS
ត្រូវមានទំនួលខុសត្រូវចំពោះខ្លួនឯង មានន័យថា
គាត់ត្រូវចេះទទួលខុសត្រូវរាល់កិច្ចការការងារ
និងសកម្មភាពដែលខ្លួនបានធ្វើ
និងមិនត្រឹមតែទទួលខុសត្រូវចំពោះការងាររបស់ខ្លួនតែមួយមុខ
ប៉ុណ្ណោះទេ
តែត្រូវចេះទទួលខុសត្រូវចំពោះគ្រួសារនិងសង្គមជាតិផងដែរ។
- Trust៖
ក្រោយពីបញ្ចប់ការសិក្សានៅ CIST
និស្សិតដែលបញ្ចប់ការសិក្សានិងមានការងារធ្វើត្រូវធ្វើខ្លួន
យ៉ាងណា ឲ្យក្រុមហ៊ុនដែលជ្រើសរើសនិស្សិតទាំងនោះ
មានទំនុកចិត្តទៅលើខ្លួនទាំងគុណវុឌ្ឍិ និងអត្តចរិត។
- Solidarity៖ សំដៅ
ទៅលើសាមគ្គីភាពដែលនិស្សិត CIST ម្នាក់ៗត្រូវមាន
មិនថាអ្នកនោះកំពុងសិក្សា ឬបានការងារធ្វើហើយក៏ដោយ
គឺត្រូវតែមានសាមគ្គីរវាងគ្នានិងគ្នាដែរ។
ដំណាក់កាលនៃការជ្រើសរើសសិស្សចូលរៀន
CIST
គឺជាស្ថាប័នដែលជ្រើសរើសសិស្សឲ្យចូលរៀនមានតម្លាភាពបំផុត។
និស្សិតដែលអាចចូលរៀននៅសាលានេះបាន
ទាល់តែជាសិស្សដែលប្រឡងជាប់ថ្នាក់ទី១២
(អាចដាក់បានបន្ទាប់ពីរៀនចប់ថ្នាក់ទី១២ពីរឆ្នាំ)
ជាសិស្សដែលមានជីវភាពក្រីក្រពិតៗ
គ្មានលទ្ធភាពមកបន្តការសិក្សានៅមហាវិទ្យាល័យ
និងជាសិស្សដែលមានសមត្ថភាពទៀតផង។
តើជ្រើសរើសយ៉ាងម៉េចទៅទើបបានសិស្សដែលមានសមត្ថភាព
ហើយក្រីក្រពិតប្រាកដនោះ?
CIST
បានបញ្ជូនភ្នាក់ងារជ្រើសរើសសិស្សទៅដល់សាលានៅតាមតំបន់ជនបទ
ហើយសិស្សទាំងនោះត្រូវឆ្លងកាត់ការប្រឡងលើមុខវិទ្យាគណិតវិទ្យា
តក្កវិទ្យា និងអង់គ្លេស។
មិនត្រឹមតែឆ្លងកាត់ការប្រឡងប៉ុណ្ណោះទេ
ភ្នាក់ងារជ្រើសរើសទាំងនោះ
ត្រូវចុះទៅដល់ផ្ទះរបស់សិស្សដែលបានធ្វើតេស្ដជាប់នោះថែមទៀត
ផង ដោយត្រូវសង្កេតមើល និងវាយតម្លៃយ៉ាងលម្អិត
ថាតើពិតជាក្រីក្រគ្មានលទ្ធភាពមែនឬអត់។
អត្ថប្រយោជន៍ចំពោះនិស្សិត
និស្សិតដែលបានចូលរៀននៅសាលា CIST នេះនឹងទទួលបានអត្ថប្រយោជន៍ដូចខាងក្រោម៖
- សិក្សាជំនាញ IT ដោយឥតគិតថ្លៃ
- ទទួលបានកន្លែងស្នាក់នៅសមរម្យ
- ទទួលបានប្រាក់ឧបត្ថម្ភសម្រាប់ការចំណាយលើម្ហូបអាហារ (ជាង30ដុល្លារ)
- នៅអំឡុងពេលសិក្សា សិស្សម្នាក់ៗនឹងទទួលបានបទពិសោធន៍តាមរយៈការផ្ដល់ឱកាសចុះទៅ Internនៅតាមបណ្ដាក្រុមហ៊ុនធំៗ
- លទ្ធភាពនិស្សិតបញ្ចប់ការសិក្សាទទួលបានការងារជិត 90%
- និស្សិតដែលបញ្ចប់ការសិក្សា ជាធនធានដ៏មានតម្លៃបំផុត
ពីព្រោះមិនត្រឹមតែចេះជំនាញតែមួយមុខទេ
ប៉ុន្តែនិស្សិតថែមទាំងចេះភាសាអង់គ្លេស ជំនាញធុរកិច្ច
និងប្រកបដោយ ក្រមសីលធម៌ និងគុណធម៌ថែមទៀតផង។
ជំនាញបណ្ដុះបណ្ដាល
CIST បណ្ដុះបណ្ដាលលើជំនាញ IT ចំនួនបួនសំខាន់ៗគឺ៖
1.Web Development បណ្ដុះបណ្ដាលលើមុខវិទ្យាសំខាន់ៗមួយចំនួនដូចជា៖
- Programming : C, C++, C#, Java
- Database: Access, SQL Server, MySQL
- Content Management Systems (CMS): Joomla, Woodpress, PhpBB, OSCommerce, Pay pal
- Web Technologies: XHTML&CSS, XML, Photoshop for Web, Flash with action script, Java script, PHP& MySQL, ASP .NET with C#
2.SNA (Systems & Networks Administration) បណ្ដុះបណ្ដាលលើមុខវិទ្យាសំខាន់ៗមួយចំនួនដូចជា៖
- Computer Maintainance
- Microsoft XP Professional
- Microsoft Windows Server 2003
- SLES (SuSE Linux Enterprise Server)
- CISCO CCNA Discovery 1,2,3
3. បណ្ដុះបណ្ដាលលើវគ្គខ្លីៗផ្សេងៗទៀតដូចជា
WCT (Wireless Communications Training) និង
DEO (Data Entry Operator)។
ចំនួនសិស្សដែលបានបណ្ដុះបណ្ដាល៖
- 2007: មាននិស្សិតបញ្ចប់ចំនួន91 នាក់ (និស្សិតទាំងនោះឆ្លងកាត់ដំណាក់កាលជ្រើសរើស ជ្រើសចេញពីបេក្ខជនសរុបចំនួន1350នាក់)
- 2008: មាននិស្សិតបញ្ចប់ចំនួន97 នាក់ (និស្សិតទាំងនោះឆ្លងកាត់ដំណាក់កាលជ្រើសរើស ជ្រើសចេញពីបេក្ខជនសរុបចំនួន1850 នាក់)
- 2009: មាននិស្សិតបញ្ចប់ចំនួន 150 នាក់ (និស្សិតទាំងនោះឆ្លងកាត់ដំណាក់កាលជ្រើសរើស ជ្រើសចេញពីបេក្ខជនសរុបចំនួន2265នាក់)
- 2010: មាននិស្សិតបញ្ចប់ចំនួន93 នាក់ (SNAនិង Web) ផ្នែក Data Entry ចំនួន100 នាក់។
ម្ចាស់ជំនួយ៖
ដោយសារតែ CIST គឺជាស្ថាប័នក្រៅរដ្ឋាភិបាល
រាល់ដំណើរការប្រព្រឹត្តទៅគឺពឹងផ្អែកទៅលើម្ចាស់ជំនួយជាច្រើន
ជាពិសេស Passerelles Numeriques
ជាអ្នកស្វែងរកមូលនិធិធំជាងគេពីប្រទេសបារាំង
និងហើយថែមទាំងមានដៃគូឧបត្ថម្ភជាច្រើនទៀតដូចជា៖ Microsoft,
CESCO, Accenture, Steria, Xecs, ICB Europe, ICT: CAM, Econocom, Ernst
& Young, Osiatis, ITC (សាលា Techno), SUPINFO,
ស្ថានទូតបារំាងប្រចាំនៅកម្ពុជា, HP, IBM
និងក្រុមហ៊ុនជាច្រើនទៀត។
ការទទួលស្គាល់គុណភាពពីបណ្ដាក្រុមហ៊ុនក្នុងស្រុក និងអន្តរជាតិ៖
និយាយពីគុណភាពដែល CIST ផ្ដល់ទៅឲ្យនិស្សិត
មិនចាញ់ស្ថាប័នឯកជនផ្សេងទៀតនោះទេ។ បច្ចុប្បន្នមានក្រុមហ៊ុន
និងស្ថាប័នឯកជនជាង300នៅកម្ពុជាទទួលស្គាល់គុណភាព
ជាពិសេសផ្ដល់ឱកាសដល់និស្សិតចុះ Intern
និងទទួលយកនិស្សិតដែលបញ្ចប់ការសិក្សាពីសាលា
ឲ្យបម្រើការងារនៅស្ថាប័នរបស់ខ្លួនថែមទៀតផង។
ស្ថាប័នទាំងនោះមានដូចជា អម្រឹតមីក្រូហិរញ្ញវត្ថុ, Angkor Gate
Tour, Asia Form, AZ Communication, Blue Technology, Bophana Audiovisual
Resource Center, Cmanet, Mfone, CMSC, ConicalHat, Digital Divide Data
(DDD), Educatech, Europ Continents, First Cambodia, UN Food, Auram
Systems/R.M. Asia, BAT, Caminfo Service, Camtech Computer, Chamroeun
Microfinance Services, Chuan Wei, CMSC Network, Comin Khmer Conical Hat,
DDD, Deam Computer, EDM, EZECOM, FAO, Friends International, Gatesway
Communication, GERES, Graphic Roots, GRET, HR Inc, iOne Centre,
Indochina Research, ITC, IT Global Computer, KhmerDev, Latelz, Ly
Chhuong Construction & Import/Export, Manich, MD POS, Medicom,
Microsoft MDP, MSF, NEOCOM Telecommuncation, Netpro Cambodia, Nokor IT,
Online, OPENNET, Pepy, PSE, Resolvo, SCA, SI Group, Solaris
International, TE AIK HONG, THAKRAL, Wicam, Yejj, Yellow Pages/Yoolk
International, Nokia-KTH, Open Institute, Ogilvy Action Cambodia, NA
Clinic, Hagar, HATTHA KAKSEKAR,, Allweb, IBM
និងមានក្រុមហ៊ុនជាច្រើនទៀត។
គម្រោង Solidarity Act
គឺជាគម្រោងមួយ
ដែលត្រូវបានបង្កើតឡើងក្នុងគោលដៅជំរុញឲ្យអតីតនិស្សិតដែលបាន
បញ្ចប់ការសិក្សាហើយគ្រប់ជំនាន់
ចូលរួមចំណែកបង់ជាវិភាគទានដល់សាលាជារៀងរាល់ខែ។
មុនឆ្នាំ២០១១ការបង់ជាវិភាគទានធ្វើឡើងដោយការស្ម័គ្រចិត្ត
ប៉ុណ្ណោះ តែចាប់ពីឆ្នាំ២០១១នេះទៅ
និស្សិតមានកាតព្វកិច្ចបង់ដោយខានពុំបាន។
ការចូលរួមបង់ជាវិភាគទាននេះមានរយៈពេលបីឆ្នាំ
ដោយក្នុងឆ្នាំទីមួយត្រូវបង់មួយខែ៥ដុល្លារ
ឆ្នាំទីពីរត្រូវបង់មួយខែ១០ដុល្លារ
ចំណែកឆ្នាំទីបីត្រូវបង់មួយខែ១៥ដុល្លារ។
ការបង់នេះទៀតសោតគឺធ្វើឡើងសម្រាប់តែនិស្សិតដែលបញ្ចប់ការសិក្សា
ហើយ
ហើយមានការងារធ្វើទទួលបានប្រាក់ខែចាប់ពី១២០ដុល្លារឡើងតែ
ប៉ុណ្ណោះ បើសិនមិនទាន់មានការងារធ្វើទេ មិនតម្រូវឲ្យបង់ឡើយ។
សរុបទាំងបីឆ្នាំគឺមានតម្លៃ៣៦០ដុល្លារ។
នៅពេលដែលបង់ចប់សព្វគ្រប់ហើយ
បើសិនជានិស្សិតចង់ចូលរួមចំណែកបន្តអាចបង់ទៀតបាន។
ចំពោះថវិកាដែលទទួលបានពីគម្រោងនេះ ត្រូវបានយកមកជួយឧបត្ថម្ភដល់និស្សិតដែលកំពុងសិក្សា។
យ៉ាងណាក៏ដោយ សម្រាប់ស្ថានភាពបច្ចុប្បន្ន CIST
មិនទាន់ជួបបញ្ហាហិរញ្ញវត្ថុនោះទេ
គឺមានគ្រប់គ្រាន់ដំណើរការប្រចាំខែ
តែសម្រាប់គម្រោងពង្រីកទំហំប្រតិបត្តិការបន្ថែមទៀតនោះ
មិនទាន់អាចទៅរួចទេ។
កម្មវិធី Internship
ដើម្បីបានសញ្ញាប័ត្រពីសាលានេះ និស្សិតតម្រូវឲ្យចុះ Intern។
Internship Program
នេះមិនមែនឲ្យនិស្សិតស្វែងរកក្រុមហ៊ុនដោយខ្លួនឯងនោះទេ
គឺសាលាជាអ្នកស្វែងរកដៃគូដែលជាស្ថាប័នឯកជន
ឬបណ្ដាអង្គការក្រៅរដ្ឋាភិបាលមួយចំនួនឲ្យនិស្សិតចុះទៅធ្វើ
កម្មសិក្សា។ កម្មវិធីចុះ Intern
នេះបែងចែកខុសៗគ្នាទៅតាមជំនាញនីមួយៗ។
+ចំពោះ SNA (System & Networks Administration) ត្រូវ
ចំណាយពេលចុះ Internចំនួនពីរដងគឺនៅចុងឆ្នាំទីមួយ
និងចុងឆ្នាំទីពីរ។ នៅចុងឆ្នាំទីមួយ
និស្សិតត្រូវចំណាយពេលបីខែ
ចំណែកនៅចុងឆ្នាំទីពីរត្រូវចំណាយពេល៨ខែ ដោយនៅឆ្នាំទីពីរនេះ
និស្សិតត្រូវចំណាយពេលចុះ Intern មួយសប្ដាហ៍
និងមករៀនមួយសប្ដាហ៍។
+ចំពោះ Web Developer ត្រូវចំណាយពេល៤ខែដោយសិក្សាជាមួយក្រុមហ៊ុនផ្ទាល់តែម្ដង។
ការចុះទៅ Internរបស់និស្សិតនេះ
ត្រូវឆ្លងកាត់ការវាយតម្លៃពីក្រុមហ៊ុន។ ជាទូទៅ
ចំពោះនិស្សិតដែលបានបញ្ចប់កម្មវិធីនៅតាមស្ថាប័នឯកជនហើយ
ជិត៩០ភាគរយមានសមត្ថភាពអាចបំពេញការងារបាន
ហើយមាននិស្សិតមួយចំនួនមានសមត្ថភាពលើសពីតម្រូវការទីផ្សារទៀតផង
។ ម្យ៉ាងវិញទៀត ចំពោះនិស្សិត
ដែលមិនទាន់មានសមត្ថភាពអាចបំពេញការងារបាន
សាលាត្រូវការបណ្ដុះបណ្ដាលបន្ថែមទៀត
រហូតទាល់តែអាចបំពេញការងារបាន។
តំបន់ជ្រើ់សរើសនិស្សិត
CIST
ធ្វើការជ្រើសរើសសិស្សដែលគ្មានលទ្ធភាពបន្តការសិក្សានៅមហា
វិទ្យាល័យ ចេញពីបណ្ដាលខេត្តមួយចំនួន ដូចជា បន្ទាយមានជ័យ
បាត់ដំបង កំពង់ឆ្នាំង ពោធិ៍សាត់ ព្រៃវែង ស្វាយរៀង តាកែវ កំពត
កណ្ដាល កំពង់ស្ពឺ មណ្ឌលគិរី និងខេត្តជាច្រើនទៀត
(សូមមើលផែនទីខាងក្រោម)។
0 comments